Халкъла аралы кенгешде магъаналы келишимлеге къол салыргъа белгиленеди

Быйыл 14-17 июньда «Экспофорум» конгресс-кёрмюч арада Петербургдагъы халкъла аралы экономика форум ётерикди. Ары КъМР-ни Башчысы Казбек Коковну таматалыгъы бла республикадан къуллукъчуланы къаууму барлыкъды. Аланы араларында РФ-ни Президентинде Къабарты-Малкъарны дайым келечиси Ратмир Бекишев, КъМР-ни экономиканы айнытыу министри Рахайланы Борис, «КъМР-ни айнытыуну корпорациясы» АО-ну баш директору Чочайланы Ахмат да боллукъдула.

Жыйылыуну кезиуюнде талай тюбешиу бла сёлешиу бардырыргъа белгиленеди. Аланы эсеплерине кёре Коми Республика, Москваны Правительствосу, Киров область, «Машук» билим ара, Россейни кластерлерин бла технопаркларын айнытыуну ассоциациясы эмда башхала бла келишимлеге къол салыргъа мурат этиледи.

Программагъа кёре, республиканы келечилери, башхала бла бирге ушакълагъа, «тёгерек столлагъа» эмда бизнесни юсюнден сёлешиулеге къатышырыкъдыла. КъМР-ни Башчысы Казбек Коков РФ-ни Къырал Советини комиссиясыны «Экономика и финансы», «Энергетика» бла байламлы амалланы сюзюлген кенгешине, дагъыда, тёреде болгъаныча, Россей Федерацияны Президенти Владимир Путин сёлеширик пленар жыйылыугъа къатышырыкъды.

Петербургдагъы халкъла аралы экономика форум  битеу дунияда да бек уллу эмда бек магъаналы жыйылыуладан бириди. Жыйырма беш жылны ичинде ол экономиканы артыкъда къыйматлы амаллары сюзюлген, кооперация байламлыкъла къураргъа,  тутхучлу айныуну бек иги сынауларын бир бирге билдириуге себеплик этген майданнга айланнганды, деп билдиргендиле КъМР-ни Экономиканы айнытыу министерствосуну пресс-службасындан. 

Юсюпланы Галина хазырлагъанды.
Поделиться: