Таулагъа ёрлеуге къатышхандыла

Росгвардияны спортчулары Къабарты-Малкъарда спортну экстремал тау тюрлюлеринден XIV халкъла аралы фестивальгъа къатышхандыла. Эришиуле Уллу Хорламны 78-жыллыгъына аталгъандыла ала Элбрусда немец-фашистле бла уруш болгъан жерледе барадыла, деп билдиредиле КъМР-да Росгвардияны пресс-службасындан.

Росгвардияны келечилери башха ведомстволадан 500-ден  аслам келечиси эм тыш къыраллы спортчула бла эришедиле. Фестивальны программасы Элбрусну кюнбатыш тёппесине ёрлеуде эришедиле. Росгвардияны спорт комитетини бийик спорт жетишимле жаны бла бёлюмюню офицери Игорь Кирсанов белгилегенича, быллай эришиуледе спортчула алгъан сынам къуллукъчулагъа аскер борчларын толтурургъа себеплик этеди.

- Быйыл фестивальны программасына ски-альпинизм дисциплина къайтарылгъанды. Ол къуллукъчуланы хазырлауда эм керекли затды. Эриишулени аллында Росгвардиячыла акклиматизацияны кезиуюнде Россейни эм Европаны эм бийик таууна жарау халда чыкъгъандыла, -  дегенди ол.