Казбек Коков Федерал жарыкъландырыу марафоннга къатышырыкъды

КъМР-ни Башчысы Казбек Коков «Знание.Первые» деген Федерал жарыкъландырыу марафоннга экспертча къатышырыкъды. Бу иш Пятигорск шахарда «Машук» билим арада бардырыла турады.

КъМР-ни Башчысы 26 апрельде жаш тёлюню аллында сёлеширикди эмда жетишимлиликни шартларыны, жаш тёлюню болумун игилендриуде, къыралны айнытыуда да шахарда ырахат болум не магъананы тутханыны юслеринден ушакъ бардырлыкъды. Казбек Коков Къабарты-Малкъарда экономика не халда болгъанын, жаш адамлагъа айныргъа къаллай онгла берилгенлерин да билдирликди.  

Федерал жарыкъландырыу марафонну чеклеринде аллай тюбешиуле 24-26 апрельде да Москвада, Екатеринбургда, Архангельскде, Луганскде да ётедиле. Чакъырылгъан экспертле Россейде тири да, талпыныулу да жаш тёлюге хунерлерин айныт ыргъа къаллай онгла къуралгъанларыны юслеринден айтырыкъдыла, деп билдиргендиле КъМР-ни Башчысыны бла Правительствосуну пресс-службасындан