Къабарты-Малкъарны окъуучуларына - ГИТИС-ге кирирге себеплик

6 апреля, 2023 - 08:14

МТС эм Россейни театр маданият институту - ГИТИС «Поколение М» федерал проектни чегинде республиканы школчуларына онлайн халда консультацияла ётдюрлюкдюле. Тюбешиулени эсеплерине кёре, сабийлени эм фахмулуларын ГИТИС-ге окъуугъа кирирча себеплик этерикдиле.

Бу иш 20-21 апрельде онлайн халда «Webinar от МТС» платформада ётерикди.

Ары къатышыргъа сюйген окъуучула тамсил, назму эм проза хазырларгъа тийишлидиле. Айырылгъан чыгъармала уллу болмазгъа керекдиле. Бек биринчи багъа ала сайлагъан чыгъармаларын къалай ангылагъанларына эм тынгылагъанланы сейирсиндире билгенлерине  кёре бичилликди.

Биринчи тюбешиуде педагог абитуриентни макъамны, ритмин къалай сезгенлерине, кеслерин къалай тутханларына къарарыкъды, жыр жырлатырыкъды, тепсетирикди. Аны бла тюбешиуге эм айырыу экзаменлеге къатышыр ючюн, эсепге тюшерге керекди. Андан сора хар окъуучугъа конкурсха келир заманы билдирилликди эм чакъырыу къагъыт берилликди.

- Къабарты-Малкъар не заманда да кесини фахмулу адамлары бла белгили болгъанды. Анга сабийлерибиз бла жаш адамларыбыз «Поколение М» проектни чыгъармачылыкъ конкурсларында алчы жерлени кёп кере алгъанлары шагъатлыкъ этеди. Бизни ГИТИС бла башламчылыгъыбыз МТС-ни экосистемасыны технологияларын хайырланыу тынчлыкълы болумланы къураргъа эм башха-башха регионладан сабийлеге къыралны баш театр вузуна кирирге себеплик этеди, - деп чертгенди операторну республикада бёлюмюню директору Залийханланы Элдар.

Холамханланы Алима.
  • 5 просмотров
Поделиться: