Огъары Малкъар – хар жаны бла да алчы

Къабарты-Малкъарны от тюшюуге къажау-къутхарыу службада  «Физический хазырлыкъ жаны бла эм иги бёлюм» деген атха эришиуле бардырылгъандыла. Бу жумушла къутхарыучуланы патриот ниетлеге юйретир, аланы къарыуларын сынар, профессионал билимлерин ачыкълар мурат бла къуралгъанды. От ёчюлтюучюле чабып эришгендиле, дагъыда смотр-конкурсну кезиуюнде  тийишли документлени хазырлау сынауларын кёргюзтгендиле.

Алай бла кросс чабыуда  16-чы номерли  бёлюмню келечилерине жетген болмагъанды. Огъары Малкъарны от ёчюлтюучюлери чабып былтыр, быйыл да биринчиле болгъандыла. Бёлюмге башчылыкъны Сарбашланы Алим этеди.

Экинчи жерге Каменномостское элде 17-чи номерли бёлюмню къутхарыучулары чыкъгъандыла. Алагъа башчылыкъны   Мурат Беев этеди. Ючюнчюле 21-чи бёлюмню къутхарыучулары болгъандыла. Таматалары - Анзор Батуев.

Смотр-конкурсда алчылыкъны да башында белгиленнген къауумла тутхандыла. Биринчи жерде Огъары Малкъар, экинчиле -  21-чи бёлюм, ючюнчюле уа каменномостчула.