Улутхачылыкъгъа къажау жыйылыула боллукъдула

Россейни МЧС-ни Къабарты-Малкъарда Баш управлениясында коррупциягъа къажау юйрениуле бардырылгъандыла. Аланы кезиулеринде бу жаны бла норматив-право эм законодательство актла сюзюлгендиле.

Юйретиу иш эм улутхачылыкъ бла байламлы чыкъгъан болумланы профилактикасын бардырыу бёлюмню башчысы Анзор Хавпачев энчи составха файдаларыны, къоранчларыны эм мюлк бла байламлы жумушларыны юсюнден справкаланы къалай толтурургъа кереклисин ангылатханды. Къагъытланы толтургъан кезиуде чыкъгъан даулашланы къалай кетерирге боллугъуну юсюнден да айтылгъанды. Сора, адамланы сейирлери бла байламлы къаугъала болмазча кадрла ишни бардырыугъа да эс бёлюннгенди.

Улутхачылыкъны профилактикасын бардырыр муратда ведомствону энчи составы бла Прокуратураны келечилерини къатышыулары бла жыйылыула да бардырыллыкъдыла, деп билдиредиле управленияны пресс-службасындан.