Урлукъдан къытлыкъ боллукъ тюйюлдю

Жерчиликде уруннганла жаз башы сабан ишлеге аз-аздан хазырланып башлагъандыла. Белгилисича, бизни республикада барындан эсе да  кёп нартюх ёсдюрюледи. КъМР-ни Эл мюлк министерствосундан билдиргенлерине кёре, аны урлугъу бла элчиле кеслерин толусунлай жалчытхандыла.

Ал тергеулеге кёре, былтыр онбеш минг тонна чакълы урлукъ жарашдырылгъанды. Республикада уа жаланда 3,5 минг тонна изленеди. Къалгъан кесегин мюлкле тыш регионлагъа эмда экспортха жибередиле. Урлукъну качествосуна сёз айтырча тюйюлдю; ол бёлюмде мардалагъа эмда миллет стандартлагъа келишеди.

Улбашланы Мурат хазырлагъанды.
Поделиться: