Алгъышлаула, насийхат сёзлеРоссейде Кадетлени кюнлерини аллында Нарткъаланы 6-чы номерли орта школунда байрам ётгенди. Урван районда жангыз кадет класс барды. Школну администрациясы чакъырып, жыйылыугъа Росгвардияны Къабарты-Малкъарда управлениясыны келечиси майор Марина Лукожева да келгенди. Кадетле, башланнган классланы окъуучулары бла бирге концерт программа къурап, кеслерини назмулары, жырлары, тепсеулери бла къонакъланы къууандыргъандыла. - Быллай классланы окъуучуларында Ата журтларына энчи сюймеклик не заманда да болгъанды. Аланы аскер намысда, тенгликде эм туугъан жерлерине сюймекликде юйретедиле. Мени оюмума кёре, «Жашауну – Россейге, намысны - бир кишиге да угъай» деген жорукъ шёндю да кесини магъанасын тас этмегенди, - дегенди полицияны майору Марина Лукожева. Школну башчылары КъМР-де Росгвардияны управлениясыны таматасы полицияны полковниги Сергей Васильевге бла майор Марина Лукожевагъа этген болушлукълары ючюн ыразылыкъларын билдиргендиле.
Поделиться:
Читать также:
28.03.2024 - 10:00 →
«Хар жазылыу кампаниягъа тири къошулабыз»
28.03.2024 - 09:31 →
Сабийликни дуниясында
28.03.2024 - 09:05 →
Ниет хазнабызны айнытханла
27.03.2024 - 17:34 →
Картофдан бай тирлик къууандырады
27.03.2024 - 17:33 →
Бахчаланы буздан къорууларгъа – 40 миллион сом
|