Къыраллагъа болушлукъ ёседи

Тюркде жер тебиуден сора оюлгъан юйлени бла тюкенлени тонаула аслам  бола  башлагъандыла. Эки-юч кюнню ичинде аллай аманлыкъ ишлени юслеринде 100-ден артыкъ адамны тутхандыла. Аланы араларында бу осал иш бла саулай юйюрлери бла кюрешгенле да болгъандыла.

Полициячыла тутханла жууаплылыкъгъа тартыллыкъдыла. Алай право сакълаучулагъа ышанмай, адамла аланы кеслери тутаргъа да ашыгъадыла. Къолларына тюшгенлени уа къулакъларын кеседиле. Ол адамлагъа алай дерт жетдириуню кёпле тюзге санайдыла.

Дагъыда жарсыулу болум бла байламлы, бу эки къыралгъа да Катар болушлукъ этерге хазырлыгъын билдиргенди. Аны патчахы Хамад бин Халифа Аль Тани айтханнга кёре, Футболну дуниядан чемпионатындан тюшген битеу ахчаны (1,5 миллиард доллар) бу къырал Тюркге бла Сириягъа жиберликди. Битеудуния банкдан болушлукъ да 1,7 миллиард долларгъа жетеди.

Къасымланы Аминат.
Поделиться: