Къара чулгъамда-наркотикле

Къабарты-Малкъарда МВД-ны  уголовный розыск управлениясында къуллукъ этгенле  оператив-излеу ишлени кезиуюнде Нальчикде Къулийланы Къайсын  атлы орамда Чегем райондан   44-жыллыкъ эр кишини  гитче къара хуржунчукъну ала тургъанлай тутхандыла.  Тинтиуле  сыйырылгъан чулгъамчыкъ  1,22 грамм чакълы бирни тартхан  наркотик болгъанын ачыкълагъандыла.  

Тутулгъан билдиргенича, ол  наркотиклени интернетни болушлугъу бла кесине  алгъанды, аны сатар  умуту жокъ эди. КъМР-де МВД-ны следствие бёлюмю анга РФ-ни  Уголовный кодексини  228-чи статьясыны 2-чи кесегине тийишлиликде (наркотиклени уллу ёлчемде букъдуруу) терслеу иш ачханды.

Ол кече дагъыда сагъат онда  КъМР-да МВД-ны ГИБДД-сында къуллукъ этгенле Нальчикде Попов атлы орамда алгъын  да жууаплылыкъгъа тартылгъан 44-жыллыкъ  эр кишини тутхандыла. Тинтиуню кезиуюнде анда сарыгъа тартхан чулгъамны тапхандыла. Аманлыкъчы ол наркотик болгъанын  аны кеси хайырланыр умут бла  алгъанын, сатар  акъылы болмагъанын айтханды.

Тинтиуле  сыйырылгъан  чулгъамда 0,85 грамм чакълы уулу зат болгъанын ачыкълагъандыла. КъМР-да  МВД-ны Нальчикде управлениясы аманлыкъчыгъа РФ-ни  Уголовный кодексини 228-чи статьясыны 1-чи кесегине тийишлиликде терслеу иш ачхандыла. Бусагъатда анга  тургъан жеринден чыгъаргъа эркин этилмейди, деп билдиреди КъМР-да МВД-ны пресс-службасы.