Къыралны чемпионатында эриширикдиле

Бу кюнледе Сочиде художестволу гимнастикадан СФКО-ну бла ЮФО-ну чемпионатлары бардырылгъандыла. Эришиулеге эки округдан, Донецк эм Луганск республикаладан 300-ге жууукъ атлет къатышхандыла.

Къабарты-Малкъарны жыйымдыкъ къаууму Терек шахарны «Грация» школуну келечилеринден къуралгъанды. Ала командалы эришиуледе бийик усталыкъларын кёргюзтгендиле эм Россейни чемпионатында сынашыргъа эркинликни къоруулагъандыла, ол а биринчи мартда Москвада боллукъду.

Энчи программада уа къыралны чемпионатына бизни республикадан Гайыланы Амелия бла  Кристина Петрова атланырыкъдыла, ала СКФО-ну жыйымдыкъ командасына киредиле.

Спортчуланы тренерле Наталья Короткова, Анна Битиева, Зинаида Шомахова юйретедиле.

Кульчаланы Зульфия.
Поделиться: