Окъуучулагъа – кишиликни дерси

Росгвардияны Къабарты-Малкъарда управлениясыны къуллукъчусу майор Марина Лукожева Ново-Ивановское элни орта школуну кадет классларыны окъуучуларына кишиликни дерсин ётдюргенди.

Школчула Росгвардияда къуллукъчула аскер борчларын къалай толтургъанларын эм окъуугъа кирирге къаллай онгла болгъанларын  билгендиле.

- Росгвардияны профильли классларыны бошагъандан сора Санкт-Петербургда, Новосибирскде, Пермьде эм Саратовда орналгъан бийик билим алгъан вузлагъа кирирге уллу себеплик этиледи. Курсантланы общежитиялада хакъсыз жашаргъа онглары барды, андан сора да, алагъа хайырланыугъа ашхана бла китапхана да бериледиле. Иги окъугъанла уа стипендия да аллыкъдыла. 

Жаш тёлю офицерге сейир хапарлары ючюн ыразылыкъларын билдиргендиле эм быллай тюбешиулени терк-терк бардырырларын тилегендиле.