Абадан тёлюге-сый бла

Ведомствода бардырылгъан «Энчи борчлу Буз Аппа» битеуроссей акцияны чеклеринде Росгвардияны КъМР-да Управлениясыны къуллукъчулары, Нальчикде халкъны социал жумушларын тамамлагъан араны келечилери бла бирге, къыйын жашау болумгъа тюшген уллайгъан адамлада къонакъда болгъандыла.

 Росгвардиячыла абадан тёлюню территориялы органны башчыларыны атындан алгъышлагъандыла эм саулукъ тежеп, Жангы жылгъа саугъала бергендиле. 

-Битеу жюрегимден байрам бла алгъышлайма. Жашауугъуз сейир эм мамыр болсун. Бизни тёлюге жашау сынамыгъыздан, билимлилигизден юлюш этгенигиз ючюн сау болугъуз, саулукълу болугъуз,-дегенди Росгвардияны управлениясыны клубуну таматасы капитан Мурат Кочесоков.

Холамханланы Алима.
Поделиться: