Къоркъуусуз жангы жыл тежегендиле

Къабарты-Малкъарны бийик тау районларыны окъуучулары къыш кезиуде къоркъуусузлукъ солууну жорукъларын эслерине тюшюргендиле.

 Элбрус районда къырал автоинспекторла сабийлеге жолда къыйын болумда кеслерин къалай жюрютюрге керек болгъаныны юсюнден хапарлагъандыла.

Школчуланы къыш кезиуде эм жангы жылны байрамларында къоркъуусузлукъларын жалчытырча Элбрус районну автоинспекторлары Кёнделен, Бедик эм Лашкута эллени школларында лекцияла ётдюргендиле.

Ала сабийлеге къар жаугъан эм бузлауукъ кезиуде жолда жюрюуню жорукъларын юйретгендиле. Сора машинала жюрюген жолну къатында ойнагъан къоркъуулу болгъанын эсгертгендиле.

  Сабийле жорукъланы къайтарып, полициячылагъа соруула да бергендиле. Ала уа, хар нени да тынгылы ангылатып, кийимлерине жабышдырырча кече кёрюннген белгиле да саугъалап, огъурлу жангы жыл тежегендиле.

Холамханланы Алима.
Поделиться: