Банкоматланы башха жерлеге кёчюргендиле

Нальчикде Ара базарны тийресинде  Ленин атлы проспектде  57-чи эм  Ахохова орамда да 96-чы номерли юйледе орналгъан  Сбербанкны банкоматларын кетергендиле.  Аланы орунуна башхаларын салыргъа план жокъду. 

Сбербанкны пресс-службасындан билдиргенлерича, кетерилген банкоматладан  узакъ болмай   Осетинская орамда «Эксперт», Ахоховада «Пятерочка» эм Пачев атлы орамда да «Колос» тюкенледе банкоматла ишлейдиле.  Аны бла бирге жууукъ заманда къошакъ халда Ара базарны татлы ашарыкъла сатхан павильонунда бла Шогенцуков атлы проспектде "Пятерочка" тюкенде да кёп функциялы  аппаратла ишлеп башларыкъдыла.

Эсге сала айтсакъ,  Ара базарны тийресинде  Толстой атлы орамда 94-чю номерли юйде кече-кюн да ишлеген банкомат барды.