Терк районда футбол майданнга – толу ремонт

Республиканы Терек шахарында «Терк районда физкультураны бла спортну айнытыу» муниципал программаны чегинде футбол майданнга толу ремонт этиле турады.

Ол Ленин атлы орамда «Терек-Олимп» спорт араны къатында орналыпды, бюгюнлюкде аны юсюне жалгъан кырдык салыннганды. Энди буруула, аны тийресинде бола тургъан затланы эсеплерча видеокамерала, чыракъла салынырыкъдыла, къараучула олтургъан шинтикле алышындырыллыкъдыла. Ремонт бошалгъандан сора, мында жарауларын спорт арада юйреннгенле, спорт бла саулукъларын кючлерча кюрешгенле да бардыраллыкъдыла.