Жолчула къышха хазырдыла

Жоллагъа къарагъан «Кавказ» Управление Къабарты-Малкъарда, Ставрополь крайда, Къарачай-Черкесияда, Дагъыстанда, Шимал Осетияда, Чеченде эмда Ингушетияда федерал трассалагъа келир къышда тынгылы къараргъа хазыр болгъанды. Бу кезиуде жоллада 516 энчи машина боллукъду, ишчилени саны уа сегиз жюзден азыракъды.

Техниканы ичинде грейдерле, тракторла, экскаваторла, ауур жюкле ташыучу машинала, бульдозерле да бардыла. Ала бары да «ГЛОНАСС» навигацияны мурдорунда ишлеген «Дортранснавигация» деген диспетчер системагъа къошулупдула. Адамлагъа жылы ангарла эмда боксла да хазырдыла.

Бузкъаудан болса, жоллагъа туз бла юзмез къатыш чачарыкъдыла. Андан 155 минг тонна къыстырыкъ этилгенди, неда керек мардасындан 90 проценти. Жолла бек учхалауукъ болсала, ишчиле кючлю туздан асламыракъ тёгерикдиле.

Жел келтирип къар тёбеле болуучу тийреледе жолланы жанларын бегитирикдиле. Сууланы бир жанына кетериучю системала, быргъыла, дагъыда кёпюрле, тоннельле, жер башында эмда тюбюнде баргъан переходла да хазырдыла.

Хауаны сууукълугъун эмда жел къайсы жанына ургъанын тергеген 85 метеостанция орнатылгъанды. Управленияны келечилери МЧС, ГИБДД эм гидрометеорология ведомство бла байламлыкъда ишлейдиле. Соруулары болгъанлагъа диспетчер службаны телефон номери: +7 (8793)33-11-59.