Амманы алдап, ахчасын къымгъанды

МВД-ны Нальчикде управлениясына 83-жыллыкъ тиширыудан тарыгъыу келгенди. Ол билдиргеннге кёре, юйде телефоннга, ким эсе да, туудугъунгма деп сёлешгенди, связь осалдан ауазын иги эшиталмагъаны ючюн кертиси бла да ол болгъанына ийнаннганды. Ётюрюкчю аммагъа авариягъа тюшгенме, бир тишириу ачыгъанды, анга 100 минг сом берирге керекме дегенди. Тиширыук анга болушур ючюн келген курьерге ахчаны берип ашыргъанды. Сора юйдегилерине сёлешгенди эмда аны алдагъанларын ангылагъанды.

Оператив-излеу ишлени кезиуюнде уголовный розыскны ишчилери аманлыкъчыны тутхандыла. Хыйлачы Пятигорск шахардан ары дери да сюд этилген 18-жыллыкъ жаш болгъанды. РФ-ни Уголовный кодексини 159-чу (хыйлачылыкъ) статьясына кёре, анга уголовный иш ачылгъанды.

Тутулгъанны башха аманлыкъ ишлеге къатышханы бла къалгъаны  тинтиле турады, деп билдиредиле КъМР-де МВД-ны пресс службасындан. 

 

Баллиланы Алина.
Поделиться: