Тюз ниетли болуп эсёрча

Аманлыкъчыланы терсликлерине жолукъдурууну федерал службасыны КъМР-де управлениясыны (УФСИН) башчысыны орунбасары ич службаны майору Рустам Маремуков Алтуд элни 2-чи номерли школунда окъугъан сабийле бла экстремизмни бла терроризмни хаталыкъларыны юсюнден  ушакъ бардыргъанды.

Быллай тюбешиуле сабийле тюз жашау жолла сайласынла, эслерине аманлыкъла келмесинле деген мурат бла къураладыла. Аланы юйретиу магъаналары да уллуду, ушакъланы кезиулеринде окъуучула оюмларын айтыргъа эм аланы къорууларгъа юйренедиле, экстремизмча осал ниетлеге алданмайдыла, деп белгилегенди Рустам Маремкулов. 

Ахырында майор сабийлеге экстремистлени къолларына тюшмезча, алагъа алданмаз ючюн не этерге керек болгъанын айтханды, деп билдиргендиле УФСИН-ни пресс-службасындан.