Хирургия корпус салынады

          Прохладнада 180 адам жатарча эки корпусдан къуралгъан  хирургия корпус ишленеди. Алты къатлы блокла бир бири бла байламлы боллукъдула, деп билдиредиле КъМР-ни Къурулуш министерствосуну пресс-службасындан.
              «Б» эм «В» блоклада юйлени башларын жабып бошагъандыла, ток ызла, таза эм кир суу быргъыла,  жылытыучу система да тартылгъандыла. Ичлеринде къабыргъала сюртюлгендиле, отоу тюпле тамам этилгендиле эм  терезеле орнатылгъандыла. Бешинчи этаждан бла подвалдан къалгъанында хауа айланырча система жарашдырылгъанды.
          Мекямны тыш къабыргъасы энчи  къанжал бла тышланнганды. Бусагъатда уа къурулушчула «Б» блокда  подвал бла кюрешедиле, «В» блокда уа эшиклени орната турадыла.          Аны бла бирге блокланы барысында да  ичлеринде сюртюу-бояу ишле бардырыладыла, медицина эм технология оборудование орнатылгъанды эм башха жумушла тамамланадыла.

 

Поделиться: