Северодонецк шахарны «Северослонецкге» тюрлендиргендиле

Россейли солдатла ёлген аскерчини (ол «Слон» деген чакъырыу атны жюрютгенди) хурметине жоралап Северодонецк шахарны «Северослонецкге» тюрлендиргендиле, деп билдиредиле украинлы Telegram-каналла. Аны юсюнден войнасфейками.рф телеграм-канал жазады.

Бу билдириу толусунлай ётюрюк хапарды. Шахарда сюелген стеланы россейли байракъны тюрсюнюне боягъандыла эм бизни аскерчилерибиз ёлген шуёхларын эсгергендиле.  Аны эсде къаллыкъ видеогъа алгъанларындан сора, шахаргъа кирген жерде стеланы алгъын жюрютюлген атын къойгъандыла. Украинлы пропагандистле видеону жалгъан хапар (фейк) этип чыгъарыргъа хайырланнгандыла.  

Эсигизге салайыкъ, Северодонецк, Боровское эл эм Северский Донецни сол жаны Луганск республиканы чеклеринде толусунлай Россей Федерацияны Сауутланнган Кючлерини эм ЛНР-ни  аскерчилерини контролюна кёчгендиле. Шёндю анда россейли специалистле социал жаны бла инфраструктураны къурайдыла эм жашау журтлагъа ремонт этедиле.   

Бизни корр.

Поделиться: