Кеслери иш къурагъанланы онгдурургъа дейдиле

Кеслери алларына иш къурап къармашханланы онгдурур умутда КъМР-ни Экономиканы айнытыу министерствосу сынам халда онлайн-акция бардырып башлагъанды. Республиканы Правительствосуну 2022 жылда 30 апрельден 97-ПП номерли бегимине тийишлиликде, ол министерствону «ВКонтакте» социал сетьде «МикроStartUP для самозанятых» деген биригиуде къуралгъан бёлюмюнде быйыл биринчи майдан башлап 31 декабрьге дери барлыкъды. Бу кезиуде саулай 40 саугъа юлешинирикди. Хар бири да жюз мингишер сом.

Акциягъа Россей Федерацияны гражданлары къатышыргъа эркиндиле. Алагъа быллай излемле бардыла:

1. айырыу бардырылгъан заманда жыл санлары 14-22 болургъа керекди;
2. кеслери иш къурап налог тёлеучюле болургъа кередиле;
3. КъМР-ни борчлу халда медицина страхование этиу жаны бла Фондунда страхование этерге тийишлидиле.

Айырыулагъа къатышырча сагъынылгъан «МикроStartUP для самозанятых» биригиуге къошулмай боллукъ тюйюлдю. Аны сайты ма буду: https://vk.com/samozanyatyekbr. Аны юсюнден билдириуню социал сетьде кесини бёлюмюнде кёргюзтюрге керекди. Акция бардырылгъан кезиуде аккаунт ачыкъ болургъа тийишлиди.

Бу жумушну юсюнден толу хапар билирге сюе эсегиз, «МикроStartUP для самозанятых» биригиуге жазыгъыз неда Экономиканы айнытыу министерствогъа +7(8662)40-55-84 номер бла сёлешигиз.