Мариупольдан чыкъгъан жол болжал халда жабылгъанды

«Фейк» (жалгъан хапар)

«Адамланы кимле болгъанларын тохташдырыу (фильтрация) жумушланы бардырыу бла байламлы» Мариупольгъа кирген эм  чыкъгъан жолла жабыллыкъдыла, деп билдиргенди шахарны алгъыннгы башчысы Пётр Андрющенко. Аны юсюнден войнасфейками.рф телеграм-канал жазады.

Бу билдириу толусунлай ётюрюк хапарды. Шахарда жашагъанла телеграм-чатлада билдиргенлерине кёре, жалгъан хапарланы билип жаядыла, адамланы бир жерден башха жерге барыуларына бир тюрлю бир чек салынмагъанды. Аны юсюнден Мариупольда жашагъанланы интернетни социал сетьлеринде жазгъан билдириулери да шагъат этедиле.

Мариупольну мэри Константин Иващенко кесини телеграм-каналында жазгъанына кёре, шахарны оноучулары адамланы башха жерле бла байламлыкъларын тыймаз ючюн хакъсыз автобусланы жолгъа салгъандыла. Ала Мангуш эм Володарское деген  гитче шахарланы араларында жюрюрюкдюле.

Шахарны оноучусу билгилегеннге кёре, автобусланы жюрюулери шахарда эм элледе жашагъанлагъа уллу магъананы тутадыла. Ол себепден администрация, не тюрлю амалны да табып, уллу шахарны бла аны тёгерегинде эллени араларында транспорт байламлыкъ тохтамазча этерикди. Ма аны ючюн Мариуполь шёндю жабылып турады деген жалгъан хапар болгъаны баямды.

«Шахаргъа не кирирге, неда чыгъаргъа жарамайды деген бош хапарды.  Мариуполь ачыкъ жерди, ары адамла бир тюрлю чырмаусуз келирге эм андан чыгъаргъа да боллукъдула. Шахарны жабылыуу ётюрюк хапарды эм ол информация жаны  бла провокациягъа саналады», -деп жазгъанды Константин Иващенко кесини телеграм-каналында.