Жууаплы хайырланыучу

«Россети Шимал Кавказ» компанияны жууаплы абоненти, энчи предприниматель Александра Шаушева Нальчикде ток ючюн тёлеуле жыйгъан бёлюмге хар ай сайын барып, берликлерин толусунлай жабады. «Ары барыр онг болмай къалса, мен «Свет Онлайн» приложениягъа кирип да тёлейме. Алай дагъыда анда жеринде болсам манга тапды. Нек дегенде тюкениме электрокюч ючюн жазылгъан тёлеулени тюзлюгюне къарайма, сорлугъум бар эсе, анга да жууап алама. Бир игиси – ол бёлюмде специалистле ишлерин тынгылы биледиле. Хайырланыучулагъа уа айтырыгъым алайды – борч этмегиз, артда башыгъыз андан да кёп тёлеуге къалмаз ючюн токну багъасын заманында тёлегиз. Мен предприниматель болуп, бу жаны бла низамлыкъны магъанасы уллу болгъанын толу ангылайма. Сатып алгъан затыгъызны багъасын берирге кереклиси баямды, ток бла да иш ма алайды. Ким къайда да ишлесин, аны къыйынын багъалай билирге керекди», - дегенди Александра Андреевна. 

Компанияда айтханларыча, Нальчикде бёлюм 91 минг абонентни жумушларына къарайды. Аны юсюне 4,7 минг предприятие бла организация да тёлеулерин анда бередиле. Кюн сайын минг чакълы бир адам келеди ары. Бирлери ток ючюн тёлейдиле, башхалары квитанцияларыны тюзлюгюн сюзедиле, сетьлеге къошулурча заявление жазадыла. Бёлюм эрттенликде сагъат сегизден башлап, ингир алада сагъат бешге дери ишлейди.