Биринчилени санында

16 мая, 2019 - 08:14

Россейни стратегиялы башламчылыкъла агентствосу бу кюнледе  вузла аралы «Точка кипения»  конкурсуну «биринчи урумуну» эсеплерин ачыкълагъанды. Конкурсха эки жюз бийик билим берген учрежденияла заявкаларын ашыргъандыла.  Къыралны 13 айырмалы вузларыны санында бу проектге  Къабарты-Малкъар къырал университет да киргенди.

Майда СГИ-ни майданында агентствону коворкинг арасы ачыллыкъды. Мында жаш алимлени, аспирантланы, студентлени, предпринимательлени бла инвесторланы юйретиучю дерслери бла тренинглери ётерикдиле.  «Точка кипенияны» мураты технология жангычылыкъла къураргъады, цифралы экономикада алгъа  атлам этерик кадрланы хазырларгъады. Жылны ахырына дери къыралыбызда быллай 50 ара ачыллыкъды.

Токумаланы Салим.
  • 23 просмотра
Поделиться: