Кёзлерин ачхандыла

14 декабря, 2018 - 09:42

    Къыйын жашау болумгъа тюшген сабийлеге деп КъМР-ни  Урунуу эмда социал къоруулау министерствосу,  аны Нальчикде арасы  Жангы жылгъа аталгъан байрам къурагъандыла.  Алагъа  сабийлени къууанчларын къураучу "Орешка"   ара да себеплик этгенди.
       Ол кюн Къырал концерт залгъа 120 жашчыкъ бла къызчыкъ чакъырылгъандыла. Аланы  министрни орунбасары Ратмир Ацканов бла шахарда Урунуу эмда социал къоруулау араны таматасы Татьяна Канунникова алгъышлагъандыла. "Орешкада"  ишлегенле уа, жомакъланы жигитлерини кийимлерин кийип,  сахнада жырлагъандыла, тепсегендиле. Сора балачыкъланы  сахнагъа чакъырып, ала бла тюрлю-тюрлю оюнла къурагъандыла.
Байрамны ахырында  сабийлени   хар бирине тюрсюнлю шарла, саугъалары бла хуржунла тутдургъандыла. Бир-бирлени уа юйлерине  энчи машинала бла жетдиргендиле.

 

Холаланы Марзият.
  • 15 просмотров
Поделиться: