Сакъатлагъа ОСАГО-гъа компенсацияны алыу женгиллендириледиЧекленнген онглары болгъан инсан, ол сакъатланы къайсы къауумуна киргенине къарамай, ОСАГО полисге тёлеген ахчасыны 50 процентин къайтарыргъа эркинди. Бу льгота борчлу халда автострахование этиу законнга тийишлиликде бериледи, алгъа жыллада аны халкъны социал къоруулау органла тёлегендиле. 2022 жылдан башлап талай башха тёлеуле бла бирге компенсация Пенсия фондха ётдюрюлгенди. Сора, аны алыр ючюн, алгъа инсан неда аны келечиси ОСАГО полисин кёргюзтюрге керек эди. Фонд адамладан бу борчну кетерир эм ишни саулай да автомат халда тамамлар муратлыды. Башхача айтханда, компенсацияны алыр ючюн, сакъат заявление жазаргъа, документле жыяргъа борчлу боллукъ тюйюлдю. Бу амалны Пенсия фонд бла Автостраховщиклени россейли союзу (РСА) информация байламлыкъланы тохташдыргъанларыны хайырындан кийирирге жарарыкъды. РСА-ны ведомствола аралы байламлыкълагъа системагъа эм ОСАГО келишимни тауусханда СНИЛС-ни жаздырыу полисни юсюнден данныйлени Социал жалчытыуну бир информация системасына (ЕГИССО) ётдюрюрге онг береди. Инсан сакъат болгъаныны эм аны законлу келечилерини, транспорт алыргъа медицина сылтауланы юсюнден къалгъан къагъытла фондха Сакъатланы федерал реестринден бла ЕГИССО-дан келедиле. Алай бу амал кийирилгинчиге дери сакъат неда аны келечиси фондну клиент службасына полис ишлеген кезиуню ичинде – бир жыл - барыргъа борчлудула. Компенсацияны тёлеуню юсюнден оноу 5 ишчи кюнню ичинде этиледи, ахча да аллай бир заманны ичинде тёленеди.
Поделиться:
Читать также:
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
15.04.2024 - 08:36 →
Бютюн зауукълу солурча
| ||
