Жомакъланы жигитлери бла тепсегендиле

       Къашхатауну жер-жерли администрациясы  Черек районда «Единая Россия» политика партияны «Молодая гвардия» бёлюмю бла бирге  Инвалидлени халкъла аралы кюнюне атап, саусуз сабийлеге  «Чомартлыкъ дунияны  къаллай палахдан да къутхарыр!» деген ат бла  байрам къурагъанды.
Анга  келген  къызчыкълагъа бла жашчыкълагъа   жомакъланы жигитлери тюрлю-тюрлю оюнла кёргюзтгендиле, ала бла бирге  тепсеген да этгендиле. Орта школну окъуучулары уа  сахна оюнла кёргюзтгендиле. Ахырында уа балаланы барысы да монг столлагъа чакъырылып сыйланнгандыла, деп билдиргендиле Черек районну администрациясыны пресс-службасындан.