Биринчи медицина болушлукъ бериуню къуралыу халына-бийик багъа

  Россейни Саулукъ сакълау министерствосуну коллегиясыны кенгертилген жыйылыуунда  РФ-ни саулукъ сакълау министри Михаил Мурашко биринчи медицина болушлукъ берген бёлюмню ишин жангыча къурауну проектин жашауда жетишимли бардыргъан регионланы арасында Къабарты-Малкъарны да санагъанды. Ол дагъыда Къабарты-Малкъарда  медицина болушлукъ бла жалчытыугъа халкъ иги багъа бергенин да чертгенди.

  Эсигизге салайыкъ: КъМР-ни Саулукъ сакълау министерствосу миллет проектлени чеклеринде тогъуз федерал проектден жетисине къатышады – «Биринчи медико-санитар болушлукъ бериу системаны айнытыу», «Саулукъ сакълауну биринчи болушлукъ берген бёлюмюн жангыртыу», «Жюрек-къан тамыр ауруулагъа къажау кюреш бардырыу», «Онкология ауруулагъа къажау мадарла этиу», «Сабийлеге багъыуну игилендириу», «Медицина организацияланы уста кадрла бла жалчытыу», «Саулукъ сакълауда бир цифралы контурну къурау», деп билдиреди КъМР-ни Саулукъ сакълау министерствосуну пресс-службасы.