Баскетболчу къызла Россейни финалына къатышырыкъдылаБу кюнледе Ставрополь шахарда баскетболдан «Локобаскет – школьная лига» деген жаш адамланы арасында ётген СКФО-ну Чемпионаты бошалгъанды. Анга СКФО-гъа кирген регионладан алты жаш къауум бла алты къыз къауум сермешге къатышхандыла. Ол санда бизни жерлешлерибиз да. Къабарты-Малкъар республикадан анда «Баскелбодан экинчи номерли Спорт школну» жаш спортчулары кеслерин кёргюзтгендиле. Командала къауумдан чыгъыу эришиуледе Дагъыстан эм Къарачай-Черкес республикаланы келечилерин хорлап, бизни командабыз биринчи жерге чыкъгъанды. Алай, полуфиналны къаты сермешинде Шимал Осетия-Аланияны спортчуларына хорлатхандыла. Доммакъ майдал ючюн бизникилеге Дагъыстанны келечилери бла тюбеширге тюшгенди. Ол оюнда баскетболчу жашларыбыз дагъыстанлыладан кючлюрек болуп «доммакъны» ычхындырмагъандыла. Къызларыбызны жыйымдыкъ къаууму, Ингушетияны эм Къарачай-Черкес Республиканы командаларын кезиу-кезиу хорлап, биринчи жерге чыкъгъанды. Полуфиналда бизникиле Шимал Осетия-Аланияны къызларын хорлагъандыла. Финалда уа, Ставрополь крайны командасын 75:47 эсеп бла хорлап биринчи жерни кеслерине алгъандыла. Соревнованияланы къурагъанла номинациягъа кёре эм иги игрокланы сайлагъандыла. «Турнирни эм иги нападающийи» деген атны жашланы къауумгъа кирген «14-чю гимназияны окъуучусу Эфендиланы Астемир алгъанды. Къызланы ичинде «Эм иги оюнчу» деген ат Сабина Тарчоковагъа берилгенди. Кушбокова Эрмина уа «Турнирни бек иги ойнаучусуна» саналгъанды. Ала экиси да Нальчик шахарны 29-чу гимназиясыны» окъучуларыдыла. Бу эришиулени эсеплерине кёре хорлагъанла 29 апрельден 1 майгъа дери Краснодар шахарда бардырыллыкъ «Локобаскет – школьная лига» Россейни финалына къатышырыкъдыла. Ары РФ-ден отуз тёрт команда жыйыллыкъды. Спортчуланы бу жетишимлери бла алгъышлайбыз.
Поделиться:
Читать также:
22.03.2024 - 14:57 →
Кючлюлени санында
21.03.2024 - 09:05 →
Жарау этиу - къарыуну, ниетни да кючлеген амал
19.03.2024 - 09:49 →
«Алтын», «кюмюш» да бизникиледиле
19.03.2024 - 08:14 →
Эм кючлюлени санында
18.03.2024 - 12:16 →
Биринчи эришиуде – ахшы кёрюмдюле
|