Артда апчымазча

КъМР-де УФСИН-ни  энчи отрядында «Эркинликге чыгъыуну школунда» деген ат бла  тюбешиу бардырылгъанды. Тутмакъланы аллында бёлюмню начальниги, инспектор Индира Гедгафова  сёлешгенди. Ол  кёп бармай эркинликге чыгъарыкълагъа артда апчымаз ючюн не этерге керек болгъанын ангылатханды. Сёз ючюн, ала  иш бла жалчытыу арагъа барып, эсепге турур ючюн къаллай документле хазырларыкъларын айтханды.

Ушакъны кезиуюнде тутмакъла урунуу рынокда болумну эмда республикада бютюн да бек къаллай  усталыкълары болгъан ишчиле изленнгенлерини юсюнден да  билгендиле.  Аланы барысына да иш бла жалчытыу не халда болгъанын билгендиле, алагъа ол жаны бла не  болушлукъ этилирча эмда аны ала алалырча амалланы да ангылатхандыла, деп билдиргендиле КъМР-де УФСИН-ни пресс-службасындан.

 

Холаланы Марзият.
Поделиться: