Контролёрла шёндюгю техника бла сауутланнгандыла

17 апреля, 2019 - 09:25

Къабарты-Малкъарда Басхан эмда Лескен районлада электросетьледе бирикген информация-эсеплеу комплексни (ЕИВК) сингдириу барады, деп билдиргендиле «МРСК СК» компанияны республикада бёлюмюнден.

Комплексни санына «мобильный сервис» деген амал киреди. Анга кёре ол районлада ишлеген контролёрла 42 планшет къоллу болгъандыла. Энди ала аны бла токну эсеплеучю приборланы кёргюзтюулерин жазып айланмай, жеринде суратха тюшюрюп, ызы бла бирикген «Omni Utilities» информация базагъа жиберликдиле.

Жангы программа комплекс контролёрланы ишин терк эмда къыйматлы этерикди, кёргюзтюуледе ангылашынмагъан затладан къутулургъа да амал берликди. Районланы экисинде 33 мингден артыкъ эсеплеучю прибор барды да, ала бары да базагъа тюшерикдиле. Башха муниципалитетледе бёлюмле уа планшетле бла быйылгъы жылны ахырына дери жалчытынырыкъдыла.

Омарланы Мурат.
  • 9 просмотров
Поделиться: