Аракъыны бла тютюнлени къырал маркалары жокъ эди

КъМР-ни полициячылары жалгъан аракъыны бла тютюнню сатханланы аманлыкъ ишлерин тохтатхандыла, деп билдиргендиле бизге Ич ишле министерствону пресс-службасындан.

Терекде КъМР-де МВД-ны экономика аманлыкълагъа эм коррупциягъа къажау бёлюмюню къуллукъчулары оператив-излеу жумушланы кезиуюнде тюкенледен биринде жалгъан аракъыны бла къырал марка салынмагъан тютюнлени тапхандыла.

Право низамны сакълаучула аракъысы эм коньягы бла 592 шеша ачыкълагъандыла. Тинтиуле бардырылып, ичги ГОСТ-ха келишмегенин тохташдыргъанды. Сыйырылгъанны багъасы 130 минг сомгъа жетеди. Товарны иеси Дейский элден 40-жыллыкъ тиширыу болгъаны ачыкъланнганды.

Андан ары бардырылгъан жумушланы кезиуюнде  полициячыла тиширыуну юйюнде 4400 тютюн пачка тапхандыла. Аланы да къырал маркалары жокъ эди. Экспертиза товарны багъасы 460 минг сом болгъанын тохташдыргъанды.

Предпринимательни айтханына кёре, ол товарны танымагъан тиширыудан алгъанды эмда аны андан ары сатаргъа умут этгенди.

Терк району полициячылары тиширыугъа РФ-ни УК-сыны 171.1-чи статьясыны 5-чи кесегине эмда 171.3-чю статьясыны 1-чи кесегине кёре терслеу материлла ачхандыла.