Банкны филиалы республикада жетишимли ишлейди

Озгъан жылда Россельхозбанкны Къабарты-Малкъарда филиалы 12,5 минг ахча тёлеучю карта жибергенди. Саулайда финанс биригиу республикада ишлеп тебирегенли жылны битеулю кёрюмдюлерине кёре, 175, 5 минг картаны адамалагъа хайырланыргъа бергенди, деп билдиредиле  филиалны пресс-службасындан.

 Чыгъарылгъан карталаны асламысы (35 проценти) иш хакъ теленнгенледиле. Белгилерчады, банкны юсю бла иш хакъ алгъан биригиулени саны 250 болгъанын эм аланы асламысы ахчаны бюджетден алгъанларын.

 «Биз иш бириучюле бла, халкъ асламла бла да тири ишлейбиз эм карталаны жарашдыргъанда болумланы алагъа таплыкъгъа деп этебиз. Республикада орналгъан тюрлю-тюрлю биригиуле иш хакъ тёлеген карталаны магъанасын ангылагъандыла, ала анда уруннганлагъа таплыкъгъа деп бериледиле. Бизни филиал мындан ары да клиентлеге сейир карта продуктланы берирге хазырды»,- дегенди Россельхозбанкны Къабарты-Малкъар Республикада филиалыны таматасы Алим Сокуров.

Бюгюнлюкде филиалны республикада 34 банкоматы эм 16 электрон терминалы барды, ала асламысында шахарлада бла район аралада уллу сатыу-алыу этген жерледе орналыпдыла.

 Бизни корр.

Поделиться: