Казбек Коков Туризмни айнытыу жаны бла правительстволу комиссияны ишине къатышханды

Россей Федерацияны Правительствосуну Председетелини орунбасары Дмитрий Чернышенко Туризмни айнытыу бла байламлы правительстволу комиссияны жыйылыуун бардыргъанды.

Жыйылыугъа Туризм жаны бла федеральный агентствону оноучусу Зарина Догузова, сейирлери болгъан тийишли министерстволаны келечилери, «Туризм.РФ» корпорацияны генеральный директору Сергей Суханов,  Къырал Думаны туризм эм турист инфраструктураны айнытыу жаны бла комитетини таматасы  Сангаджи Тарбаев,  регионланы оноучулары, Турист ассоциацияланы эм стратегиялы башаламчылыкъланы Агентствосуну келечилери къатышхандыла.

«Туризм эм къонакъ алыу индустрия» деген миллет проект къалай бардырылгъанына, ол санда «Туризм.РФ» корпорацияны турист инфраструктурасын айнытыу жаны бла кёрюмдюлерин  сюзгендиле.

«Туризм жаны бла ишлеуге къырал болушлукъ этиу, ол санда чартер, грант, кешбек программа дегенча  миллет проектге кирген амалла, быйылгъы жылда битеу къыралда тири сингдирилген эдиле.      

Жаланда турист кэшбек программа бла  быйыл 1,6 миллион адам хайырланнганды. «Туризм.РФ» корпорация бла инфраструктураны къурау бла иш башланнганды. Бюгюнлюкде 53 инвестиция проектни бардырыргъа 27 регион айырылгъанды»,- дегенди  Дмитрий Чернышенко.

Вице- премьер белгилегеннге кёре, «Туризм эм къонакъ алыу индустрия» миллет проектни бардырыуну хайырындан пандемияны бу бёлюмге тийдирген хатасын тохтатхандан сора да, туризмни саулай да айнытыргъа онг чыкъгъанды.

«Келир жылгъа бизни муратыбыз, миллет проектни толу кючюне хайырланыргъады, хар этген болушлугъубуз адамлагъа эм бизнесге керек болурча», -дегенди Зарина Догузова. «Туризм.РФ» корпорацияны генеральный директору Сергей Суханов къыралны субъектлери эм инвесторла туризм инфраструктураны айнытыргъа уллу сейирлери болгъанларын айтханды.

Къабарты-Малкъарда туризмде магъаналы инвестиция проектлеге  бальнеология эм федерал магъанасы болгъан «Нальчик» курорт  бла   «Эльбрус» курорт саналадыла.

Къабарты-Малкъарда туризм жаны бла инвестиция проектле миллет проектлени чеклеринде бардырыладыла, аны бла бирге курортланы инфраструктуралары къураладыла, ала Россей Федерацияны ичинде белгили боладыла, турист продуктла адамлагъа таплыкъгъа деп этиледиле, туризмде къуралыулу ишле тийишлисича бардырыладыла.

Бизни корр.
Поделиться: