Страховой пенсияны тёлеуде жангычылыкъла

2022 жылны 1 январындан башлап РФ-ни Правительствосуну 2021 жылны 10 сентябринде къабыл кёрюлген 1532-чи бегими кючюне киреди. Анга кёре «Страховой пенсияланы юсюнден» федерал законну 32 статьясыны 1-чи кесегине эм 2-чи, 6-чы пунктларына тийишлиликде инсаннга жыл саны бла байламлы берилген страховой пенсиясын болжалдан алгъа алыргъа эркин этерча ишлеген кезиулени санагъан жорукъла тохташдырыладыла.

Аллай кезиулеге усталыкъ билим алгъан жылла эм адам ишлей тургъанлай, иш бла жалчытхан организация салгъан борчланы толтурурча жангыдан окъуугъа кирген заман саналады. Ол кезиуледе адамны ишчи жери бла айлыгъы сакъланып, аны ючюн борчлу халда пенсия страхованиягъа тёлеуле этилип тургъан эселе, деп билдиредиле КъМР-ни Прокуратурасындан.