Къабакъланы урлагъандыла

Кёп болмай МВД-ны Нальчик шахар округда  управлениясына эр киши келип белгисизле аны  къабакъларын эм  темирден  аберилерин урлагъанларын билдиргенди. Саулай алып айтханда, 248 минг сом багъасына къоранч этилгенди.   

Оператив-излеу ишлени кезиуюнде полициячыла  ишеклилик туудургъанланы тутхандыла. Ала алгъаракълада сюдлюк бола тургъан  23-жыллыкъ эм 25-жыллыкъ нальчикчиле болуп чыкъгъандыла.

Ачыкъланнган шартла бла байламлы РФ-нни Уголовный кодексини 158-чи статьясыны 2-чи кесегине тийишлиликде (тонау) аманлыкъчылагъа уголовный иш ачылгъанды.

Курданланы Сулейман
Поделиться: