Биринчи режиссёрубузну юсюнденКёп болмай басмадан «Рамазан Геляев: В жизни и на сцене» деген китап чыкъгъанды. Биринчи профессионал малкъар режиссёрну эм драматургну юсюнден китапны журналист эм театр кесаматчы Сараккуланы Асият хазырлагъанды. Аны жарашдырыу Геля улуну 105-жыллыгъына эм аны «Къанлы той» деген пьесасы сахнада салыннганлы 85 жыл толгъанына жораланнганды. Асият айтханнга кёре, китапны хазырлар ючюн ол кёп кере Москвада болуп, Рамазанны таныгъанла, аны бла окъугъанла бла да тюбешгенди, архивледе материалла излегенди. Ары режиссёрну юсюнден орус эм малкъар тилледе тюрлю-тюрлю авторланы статьялары, аны чыгъармалары, аны биринчи постановкасында болгъанланы эсгериулери да киргендиле. Андан сора да, кёп сейир суратла да жыйышдырылгъандыла. Китапны басмалаугъа Геляланы Рамазанны туудугъу предприниматель Энейланы Алий тири къатышханды. Китапны презентациясы Къулийланы Къайсын атлы Малкъар къырал драма театрда ётерикди.
Поделиться:
Читать также:
27.03.2024 - 19:41 →
Танг кесек консерва чыгъарылады
22.03.2024 - 15:38 →
Эллилеге бла къонакълагъа таплыкъгъа
22.03.2024 - 15:38 →
Кёпюрню къурулушу къыстау барады
22.03.2024 - 15:20 →
Жолла мардалагъа келиширча
21.03.2024 - 09:35 →
Автовокзалны шахардан тышына чыгъарлыкъдыла
|