Къырал экспертизаны баш управлениясы сегиз тау-лыжа трассаны къурулушларына ыразылыкъ бергендиРоссейни Главгосэкспертизасы жылны къайсы кезиуюнде да ишлеп тургъан «Эльбрус» турист-рекреация комплексни тийресинде сегиз тау-лыжа трассаны къурулушларын бардырыуну дурус кёргенди, - деп айтылады РФ-ни Къырал экспертизасыны баш управлениясыны сайтында басмаланнган билдириуде. Бюгюнлюкде «Эльбрус» битеусезонлу турист-рекреация комплекс тау лыжылада учханлагъа 15,4 километр тау-лыжа трассаны эм 7 подъёмникни хайырланыугъа бералады. Россейни Главгосэкспертизасы, эки пассажир канат жолну къурулушларыны проектлерине къарап, ыразылыгъын бергенди. «Бу жол тинтиучюле сегиз жангы тау-лыжа трассаны къурулушларыны проектлерине къарарыкъдыла. Биринчисинде эки «къызыл» трасса ЕР5 эм ЕР14, эмда узунлугъу 1,5 километрден артыкъ болгъан эм узун – «кёк» – трасса ЕР4 ишленирикдиле. Экинчи урумда дагъыда беш тау-лыжа трассаны ызлау планнга салыныпды. Узунлугъу 1,3 болгъан трасса ЕР12 «къарады» – эм къыйын даражалы. Трассала ЕР11 эм ЕР11.2 – узунлукълары 347 метр эм 1,1 километр – «къызылла» боллукъдула. Женгил «кёк» трасса ЕР8 452 метр боллукъду, энди учаргъа юйрене тургъанлагъа «жашилни» – тик болмагъан эм кенг трасса ЕР7 узунлугъу 158 метр боллукъду», - деп айтылады билдириуде. Къар юзюлюрге къоркъуу болгъан жерледе трассаланы ишлеген заманда къарны тыйгъан чеклеуле тохташдырыкъдыла. Проектни ишлерин «Шимал Кавказны курортлары» АО-ну ырысхысына жалчытыр муратлыдыла.
Поделиться:
Читать также:
18.04.2024 - 10:03 →
Ата журтха сюймекликни кючлей
18.04.2024 - 09:15 →
Газетибизни къадарына уллу кёллю болмайыкъ
17.04.2024 - 18:06 →
Мошенники звонят от имени Центробанка. Как их распознать?
15.04.2024 - 08:58 →
Жазылыу башланнганды, почтагъа барыргъа унутмагъыз!
15.04.2024 - 08:36 →
Бютюн зауукълу солурча
|