Ал жанында – террорчулукъдан сакъланыу эмда анга къажау кюрешни кючлендириу

КъМР-ни Башчысы Казбек Коков бла РФ-ни ФСБ-сыны КъМР-де Управлениясыны начальниги Сергей Воронин Терроризмге къажау миллет комитетни видеоконференция халда бардырылгъан жыйылыууна къатышхандыла. Ол Москвада Россейни ФСБ-сыны директору Александр Бортниковну башчылыгъында ётгенди. Анда Шимал Кавказда террорчулукъ къоркъуудан сакъланыуну эмда регионда терроризмге къажау кюрешни кючлендириуню амаллары сюзюлгендиле.

- Халкъла аралы террорчулукъ организацияла регионда халны бузар умутларын къоймагъандыла, Интернетни кеслерини ниетлерин жайыуда, тизгинлерине жангы адамланы къошууда эмда аманлыкъ ишлеге ахча себеплик этиуде аямай хайырланадыла, - деп къошханды Александр Бортников.

Ол быллай шартла да келтиргенди: арт юч жылда Шимал Кавказда 29 терактны жолу кесилгенди, башха террорчулукъ аманлыкъладан да 30-дан артыгъы болдурулмагъанды, 84 бандит жокъ этилгенди, террористлеге жакъ басханладан 379-су тутулгъанды. Андан сора да, жашырын ишлеген эмда адамла кёп жыйылгъан жерледе чачдырыула къураргъа хазырланнган 59 ячейка ачыкъланнганды.

Терроризмге къажау миллет комиссияны андан ары ишинде муниципалитетледе профилактика ишни кючлендириуге бютюн уллу эс буруллукъду. Бу ишде власть эмда жер-жерли-самоуправление органланы бирге къаты байламлыкъда ишлеулерини магъанасы бек уллу болгъаны чертилгенди. 

Поделиться: