Кир-кипчикни башха-башха жыярча орунла сатып алыргъа ахча бёлюнюрюкдюКъабарты-Малкъар 46 россейли субъектни санында кир-кипчикни башха-башха жыярча орунла сатып алыргъа 64 миллион сом чакълы аллыкъды. Тийишли бегимге РФ-ни Правительствосуну Председатели Михаил Мишустин къол салгъанды. 2030 жылгъа Россейни битеу жерлеринде зыбыр къалгъан-къулгъанланы толусунлай айырып жыярча болум тохташырыкъды деп, алай белгиленеди. Регионлагъа контейнерле алыугъа этген къоранчларыны бир кесегин къайтырыргъа деген оноу ала жетишмегенлери, инфраструктураны айнытыр ючюн этилгенди. РФ-ни Правительствосу бёлюннген ахчаны регионла керекли жумушлагъа къоратырларына кёз-къулакъ болгъанлай турлукъду. Эсигизге салайыкъ, кёп болмай КъМР-ни Башчысы Казбек Коков «муниципал сагъатда» шахарланы бла районланы администрацияларыны таматаларына контейнерлени къаллай бири керек болгъанын, тийрелени тазалау къалай къуралгъанын билирге, дагъыда сатыу-алыу, аш хазырлау бла кюрешгенле регион операторла бла кир-кипчикни кетериу жаны бла келишимле этерлерин сураргъа, мцниципал жерледе тазалыкъ болуруна контрольну кючлендирирге буюргъанды.
Поделиться:
Читать также:
27.03.2024 - 19:41 →
Танг кесек консерва чыгъарылады
22.03.2024 - 15:38 →
Эллилеге бла къонакълагъа таплыкъгъа
22.03.2024 - 15:38 →
Кёпюрню къурулушу къыстау барады
22.03.2024 - 15:20 →
Жолла мардалагъа келиширча
21.03.2024 - 09:35 →
Автовокзалны шахардан тышына чыгъарлыкъдыла
|