Жерчилик бла байламлы продукция танг ёсгенди

Алгъаракълада «Халкъла арала кооперация эм экспорт» миллет проектге кирген «Агропромышленный комплексни экспорту» деген регион проектни чеклеринде Россейни Эл мюлк министерствосу бла КъМР-ни Правительствосуну арасында этилген келишимге кёре быйыл регионнга 15 миллион доллар багъасына экспортха продукция ашырыргъа онг берилгенди.

Федерал таможня службаны эсеплерине кёре, быйыл озгъан айда Къабарты-Малкъар экспортха 10,6 миллион доллар багъасына жибергенди. Ол жылгъа белгиленнген кёрюмдюден 70,7 процент болады.  

Быйыл республика Киргизия, Украина, Казахстан, Таджикистан, Узбекистан, Азербайджан, Армения, Беларусь, Туркмения дегенча къыраллагъа асламысында экспортха татлы ашарыкъла, чагъыр, ичер суула, будайдан этилген затла эм крахмал сатханды.