Жаш тёлюню жарсытхан сорууланы сюзгендиле, къыйматлы проектлеге къарагъандыла

Кёп болмай Къабарты-Малкъар къырал аграр университетде "Жетишимни формуласы" деген жаш тёлюню онекинчи шахар слёту ётгенди. Ол Нальчикни администрациясында физкультура, спорт эмда жаш тёлюню ишлери жаны бла управлениясыны эм «Нальчикни жаш тёлюсюню ассоциациясыны» башламчылыгъы бла къуралгъанды. Анга шахарны мектеплерини тамата классларында окъугъанла къатышхандыла.

Юч кюнню ичинде онсегиз команда мастер-класслагъа жюрюгендиле эм социал проблемаланы тамамларча проектле жарашдырыргъа юйреннгендиле. Конкурсну эсеплерине кёре финалгъа юч эм иги команда айырылгъанды.
Ызы бла "Нальчикни жаш тёлюсюню онглары» тематикалы тюбешиу болгъанды. Анда спикерлени орунунда физкультура, спорт эмда жаш тёлюню ишлери жаны бла управленияны таматасыны орунбасары Оксана Шухастанова, КъМР-ни жаш тёлю пдаавительствосуну къурулуш эмда жашау журт-коммунал мюлк министри Эльдар Шонтуков, республиканы Парламентниде жаш тёлю  палатаны келечиси Забакъланы Азамат сёлешгендиле.

Арт-терапияда уа школчула ара шахараны жаш тёлюсю социал магъаналы акциялагъа тири къатышырча чакъырым плакатла жарашдыргъандыла.

«Жаш тёлю чексизди: Россей - Беларусь" тюбешиу а халкъла аралы даражада баргъанды. Анда Россейни жанындан модераторну орунунда Нальчикни жер-жерли самоуправлениясыны депутаты, слётну билим бериу программасыны башчысы Екатерина Суркова, Беларусь Республикадан а "СОЮЗ" партияны келечиси Сергей Лущ болгъандыла.  

Аны чеклеринде жаш адамла политика жаны бла проектлени юсюнден айтхандыла эм бирсилеге сынамларын билдиргендиле. Ол санда республикала араларында бу жаны бла байламлыкъланы къыйматлыкъларына эс бурулгъанды. Ахырында " Нальчикни жаш тёлюсюн жарсытхан соруула» питч-сессиягъакъатышханла кеслерини проектлери бла шагъырей этгендиле.

Магометланы Сулейман.
Поделиться: