Билим бериуде ишлегенлеге - къырал саугъала

КъМР-ни Башчысы Казбек Коков билим бериуде ишлегенлени Къабарты-Малкъар Республиканы къырал саугъала бла саугъалаууну юсюнден буйрукъгъа къол салгъанды.  

Кёп жылланы ахшы ишлегени, юйретиуге уллу къыйын салгъаны эм ёсюп келген тёлюню окъутханы ючюн «Къабарты-Малкъар Республиканы билим бериуде сыйлы ишчиси» деген ат Нальчикни жыйырманчы битеулю билим берген школуну директоруна Асланова  Маягъа, Нальчикни Ж. Казаноко атлы  сабийлени эстетика  жаны бла юйретиу шахар  арасыны таматасыны орунбасары Валиева Аминатха, КъМР-ни Жарыкъландырыу, илму эм жаш тёлюню ишлери жаны бла министерствосуну педагогика ишчилени профессионал жаны бла тохтаусуз ёсдюрюу арасыны экономиканы айнытыу эм билим бериу системаны управлениясыны тамата методист лаборанты Гукежева Иринагъа берилгенди.

«Къабарты-Малкъар Республиканы сыйлы устазы» деген ат  Зольск муниципал районну Сармаково элини биринчи номерли битеулю билим берген школуну орус тилден бла адабиятдан устазы  Даова Людмилагъа, Урван муниципал районну  Псыгансу элини   ючюнчю номерли битеулю билим берген орта школуну орус тилден бла адабиятдан устазы Кудаева Светланагъа берилгенди.

Поделиться: