Заманында тёленнген тазир – къыйматлыды

Къырал автоинспекцияны управлениясындан билдиргенлерине кёре, тазирни заманында тёлемегеннге артыкъ къоранч этерге тюшерикди. Аны бла бирге ол саулай тёленнгинчи жабылгъаннга саналмайды.

Административ тазирни закон бла 60 сутканы ичинде жабаргъа борчл салынады. Белгиленнген кезиуден кеч къалса, закон бла аны ёлчеми эки кереге ёседи неда водитель 15 суткагъа тутулады. Аны бла бирге борчун заманында тёлемегенни ырысхысына, банк карталарына да сюд приставла чеклеу саладыла.  

Сагъынылгъан амалла тазирлерин кёпден бери тёлемей тургъанлагъа неда аны толусунлай жапмагъанлагъа хайырланыладыла. Ол себепден борчлуланы къауумуна къошулмазча жыйырма кюнню ичинде аны жаланда эки тенгинден бирин тёлерча амалны ычхындырмазгъа керекди.

Административ тазирлени юсюнден эмда аланы къалай тёлерге боллугъун Къырал автоинспекцияны сайтында, МФЦ-ны бёлюмлеринде, Бир къырал жумушланы тамамлагъан порталда неда бу телефон номерге сёлешип билирге боллукъду: 8(8662) 49-58-44.