Иги кесек заманны жалгъан диплом бла ишлегенди

Кёп болмай РФ-ны МВД-сыны Къабарты-Малкъарда ёз къоркъуусузлукъ бёлюмюню оператив-излеу келечилери тинтиуле бардыргъан кезиулеринде ведомствода къуллукъ бардыргъанладан бири законнга бузукълукъ этгени ачыкъланнганды.

Сагъынылгъан ишчи 1995 жылда вузладан биринде «Бухучёт» усталыкъгъа окъуп бошагъанына жалгъан диплом къоллу болуп, аны ич ишлени органларына уруннганда хайырланнганды. Алай бла ол тюрлю-тюрлю  къуллукълада жыйырма жылдан артыкъ ишлегенди.  

Алай бла МВД-ны келечилери жыйгъан материаллагъа кёре, Следственный комитетни республикада бёлюмю Уголовный кодексни 327-чи статьясыны 3-чю кесегине тийишлиликде уголовный иш ачханды (Жалгъан документлени, саугъаланы, штампланы, мухурланы  эм бланкланы  жарашдырыу неда сатыу).