Таулу къыз - дюгер хычинлени устасы

Алгъаракълада республикада жашланы бла къызланы араларында ишчи усталыкъланы юсю бла чемпионат бардырылгъанды. Анга кийимле тигиучюле, агъач устала, къурулушчула, чач къыркъыучула, темирчиле, женгил машиналагъа, эл мюлк техникагъа ремонт этиучюле, аш хазырлаучула, башха усталыкъланы сайлагъанла да къатышхандыла. Аланы араларында дюгер хычинле этиу жаны бла эм игиге  уа Кючмезланы Радима саналгъанды. Ол, чемпионатда биринчи жерге чыгъып,  Татарстан Республиканы Къазан шахарында май айда бардырыллыкъ «Ишчи усталыкъла-2019»  халкъла аралы конкурсха къатышыргъа эркинлик алгъанды.

Радиманы жетишими бла республиканы Башчысыны къуллугъун болжаллы халда толтургъан Казбек Коков, КъМКъАУ-ну ректору Аслан Апажев, дагъыда башхала да  алгъышлагъандыла. Шимал –Осетия Аланияда WorldSkills къымылдауну координация арасыны башчысы Алан Мавланов а Кючмезланы Радиманы энчи саугъалагъанды.