Жангы тирликни жыйыу къыстау барады

Бюгюнлюкде «Зелёная компания» эл мюлк предприятие Кременчуг-Константиновское  бла Баксанёнок элледе жашил къудоруну къыстау орады. Бир ыйыкъдан аззаманны ичинде 400 гектар чакълы бирде тийишли ишле бардырылып, 1800 тонна тирлик  жыйылгъанды. Орта эсеп бла алып айтханда, бир гектардан 45 центнер чыгъады.

Ауур жюк ташыгъан машинала къудоруну сабанладан тюзюнлей консерва заводлагъа ташыйдыла. Эсге сала айтсакъ, быйыл жарашдырыучу биригиуле тахта кёгетледен бла жемишледен продукцияларын иги да кёбейтирге таукелдиле. Сёз ючюн, план бла    консерваланы санын быйыл 304 миллионнга жетдирирге белгиленеди. 

Магометланы Сулейман.
Поделиться: