Сермешни 14 такъыйкъаны ичинде хорлагъанды

Москвада ЦСКА-ны спорт единоборствола мекямында «Киокушинкай-каратени федерацияланы содружестволарыны кубогу» деген III халкъла аралы эришиу къуралгъанды. Анга кёп къыралдан 300-ден аслам каратечи къызла бла жашла къатышхандыла.

Анда 70 килограммгъа дери ауурлукъ Настуланы Ислам жетишимли болгъанды. Ол, абадан жыл сан къауумда сермеше, эки саугъагъа тийишли болгъанды – ючюнчю жер алгъаны ючюн доммакъ майдалгъа, сора эм терк нокаут этгени ючюн да энчи белгиленнгенди. Индиядан спортчу Баихинер Сингхни Ислам 14-чю такъыйкъада хорлагъанды. Аны тренер Россейни спортуну устасы Мурат Думанишев юйретеди.

Кульчаланы Зульфия.
Поделиться: