Сертификат онлайн халда бериледи

РФ-ни Пенсия фондундан билдиргенлерине кёре былтыр апрельни ортасындан тебиреп юйюрле аналыкъ капиталны теркирек алырча эм къагъытланы жарашдырып кёп заман къоратмазча сертификатланы онлайн-халда берип башлагъандыла. Сабий туугъанлай капиталны берирге оноу олсагъат къабыл кёрюледи. Юйюр сертификатны къагъыт тюрлюсюн алып кюрешмегенлей хайырланыргъа боллукъду. Аны жарашдырыр ючюн битеу ишни Пенсия фонд кеси тамамлайды.

Аналыкъ капиталны ахчасын жашау-турмуш болумланы игилендириулерине къоратырча заявканы онлайн  халда берирге боллукъду. Аны ючюн ПФ-ну сайтында инсанны энчи кабинетинде (https://es.pfrf.ru/#services-f) неда  Къырал жумушланы порталына (gosuslugi.ru.)  кирип заявление  жазаргъа керекди.

Документлени бу болумлада да кёргюзтюрге керек тюйюлдю:

-  жашау-турмуш болумланы игилендириуге къоранчла;

-  долевой къурулушгъа къатышханы ючюн келишимни багъасын тёлегенде;

-  сабийлеге билим бериу бла байламлы тёлеулеге бергенде.

Ведомстволаны араларында байламлыкъла тохташдырылгъанларыны хайырындан битеу керекли кёрюмдюле фондха жибериледиле.

Ипотеканы биринчи тёлеуюн этгенде неда турмуш болумланы игилендириуге алыннган кредитни жапханда аналыкъ капиталны хайырланыр ючюн заявленияны банкны кесинде жазаргъа боллукъду. Андан арысында керекли къагъытланы кредит учреждение бла Пенсия фонд электрон халда жарашдырадыла, аны юсюнден келишимни ала алгъаракълада тауусхандыла.

Юйюр капиталны хайырланыуну юсюнден толу информацияны Пенсия фондну «Жашау болумла» - http://www.pfrf.ru/knopki/zhizn/ деген бёлюмюнде табаргъа боллукъду.